Khumaar-e-Gam hai mahakatii fizaa me.n jiite hai.n
tere Khayaal kii aab-o-hawaa me.n jiite hai.n

ba.De tapaak se milate hai.n mil_ne waale mujhe
wo mere dost hai.n terii wafaa me.n jiite hain

firaaq-e-yaar me.n saa.Nso.n ko roke rakhate hai.n
harek lamhaa guzaratii kazaa me.n jiite hai.n

na baat puurii hu_ii thii ki raat TuuT ga_ii
adhuure Khwaab kii aadhii sazaa me.n jiite hai.n

tumhaarii baato.n me.n koii masiihaa basataa hai
hasee.n labo.n se barasatii shafaa me.n jiite hai.n