bhulaataa laakh huu.n lekin baraabar yaad aate hai.n
elaahii tark-e-ulfat par vo kyuu.n kar yaad aate hai.n

na chhe.D ai ham-nashii.n kaifiat-e-sahbaa ke afasaane
sharaab-e-beKudii ke mujh ko saaGar yaad aate hai.n

nahii.n aatii to yaad unakii mahiino.n tak nahii.n aatii
magar jab yaad aate hai.n to aksar yaad aate hai.n

haqiiqat khul gaii hasrat tere tark-e-muhabbat kii
tujhe to ab vo pahle se bhii ba.Dh kar yaad aate hai.n