kamar baa.Ndhe hu_e chalane ko yaa.N sab yaar baiThe hai.n
bahut aage gaye baaqii jo hai.n taiyyaar baiThe hai.n

na chhe.D ai nakahat-e-baad-e-bahaarii raah lag apanii
tujhe aTakheliyaa.N suujhii hai.n ham bezaar baiThe hai.n

tasavvur arsh pe hai aur sar hai paa-e-saaqii par
Garaz kuchh aur dhun me.n is gha.Dii maiKwaar baiThe hai.n

bhalaa gardish falak kii chain detii hai kise 'inshaa'
Ganiimat hai ke hamasuurat yahaa.N do chaar baiThe hai.n