%
\startsong
\stitle{merii mahabuub kahii.n aur milaa kar mujhase}%
\film{Ghazal}%
\year{1964}%
\starring{Sunil Dutt, Meena Kumari}%
\singer{Rafi}%
\music{Madan Mohan}%
\lyrics{Sahir}%
%
% Contributor: Srinivas Ganti, Nita Awatramani
% Transliterator: K Vijay Kumar
% Credits:
% Comments: The film version sung by Rafi has only two stanzas..
%           "an_ginat logo.n ne" and "ye chaman_zaar"
%           This song is not listed in the HFGK for this film, although
%           it appears in the HMV credits.
%
\printtitle
#indian
%
taaj tere liye ik mazahar\-e\-ulfat hii sahii 
tum ko is vaadii\-e\-ra.ngii.n se aqiidat hii sahii 

% [mazahar-e-ulfat = symbol of love]
% [vaadii-e-ra.ngii.n = beautiful spot]
% [aqiidat = respect/preference?] 

mere mahabuub kahii.n aur milaa kar mujh se

bazm\-e\-shaahii me.n Gariibo.n kaa guzar kyaa maanii
sabt jis raah pe ho.n satavat\-e\-shaahii ke nishaa.N
us pe ulfat bharii ruuho.n kaa safar kyaa maanii

% [bazm-e-shaahii = royal court]
% [sabt = etched]
% [satavat-e-shaahii = royal grandeur]
% [ulfat bharii ruuh = loving soul] 

merii mahabuub pas\-e\-pad.raa\-e\-tash_hiir\-e\-vafaa
tuu ne satavat ke nishaano.n ko to dekhaa hotaa
mud.raa shaaho.n ke maqaabir se bahalane vaalii
apane taariik makaano.n ko to dekhaa hotaa

% [pas-e-pardaa-e-tashhiir-e-vafaa = behind the veil of this advertisement of faith/love]
% [satavat = wealth/grandeur]
% [maqaabir(maqabaraa) = tomb]
% [taariik = dark]

anaginat logo.n ne duniyaa me.n muhabbat kii hai
kaun kahataa hai ki saadiq na the jazbe un ke
lekin un ke liye tash_hiir kaa saamaan nahii.n
kyo.n ke vo log bhii apanii hii tarah mufalis the

% [saadiq = true]
% [tash_hiir = advertisement]
% [mufalis = poor]

ye imaaraat\-o\-maqaabir ye fasiile.n, ye hisaar
mutal\-qulhukm shaha.n_shaaho.n kii azamat ke sutuu.N
daaman\-e\-dahar pe us ra.ng kii gulakaarii hai
jis me.n shaamil hai tere aur mere ajadaad kaa Khuu.N

% [hisaar = forts]
% [mutal-qulhukm = unthinking/arrogant]
% [azamat = greatness]
% [sutuu.N = symbol]
% [daaman-e-dahar = on the face of this world]
% [gulakaarii = flowers and vines]
% [ajadaad = ancestors]

merii mahabuub! unhe.n bhii to muhabbat hogii
jinakii sannaa_ii ne baKhshii hai ise shakl\-e\-jamiil
un ke pyaaro.n ke maqaabir rahe benaam\-o\-namuud
aaj tak un pe jalaa_ii na kisii ne qa.ndiil

% [sannaa_ii = artistry]
% [shakl-e-jamiil = beautiful form]
% [benaam-o-namuud = without name or even a trace]
% [qa.ndiil = candle]

ye chamanazaar ye jamunaa kaa kinaaraa ye mahal
ye munaqqash dar\-o\-diivaar, ye maharaab ye taaq
ik shahanashaah ne daulat kaa sahaaraa le kar
ham Gariibo.n kii muhabbat kaa u.Daayaa hai mazaak

% [chamanazaar = garden]
% [munaqqash = picturesque]

mere mahabuub kahii.n aur milaa kar mujhase

%
#endindian
\endsong
%