chale aaj shrii raam jagat ke biga.De kaam banaane ko
is dharatii ke aa.Ngan se paapo.n kaa naam miTaane ko

chitrakuuT ko chho.D prabhu bane pa.nchavaTii ke vaasii
hu_aa siyaa kaa haraN chhaa ga_ii chaaro.n or udaasii
R^ishyamuuk parvat par prabhu jab baiThe the akulaaye
hanumaan sa.ndesh piyaa kaa la.nkaaga.Dh se laa_e
vaanar dal ke saath chale prabhu jay kaa sha.nkh bajaane ko
is dharatii ke aa.ngan se paapo.n kaa naam miTaane ko 

raakh hu_ii sone kii la.nkaa machane lagii duhaa_ii
raam kii senaa jab raavaN kii senaa se Takaraa_ii
jab jab raavaN ne dikhalaaii raakshhas bal kii maayaa
raghupati raaghav ne muskaakar maayaajaal haTaayaa
dasharatha ke beTo.n ne ha.Ns kar dashamukh ke sir kaaTe

jay kaa sha.nkh bajaa raghuva.nshii avadhapurii me aaye
Dagar-Dagar par kha.Dii prajaa svaagat ke diip jalaa_e
jo apane ko samajh paapinii bahaa rahii thii niir
us kaikeyii maataa kaa prabhu ne paavan kiyaa shariir
guu.Nj uThaa phir dasho.n dishaa me.n amar raam kaa naam
hamaare mahaaraajaa bane.nge raam