zindagii se Darate ho (4)
zindagii to tum bhii ho
zindagii to tum bhii ho, zindagii to ham bhii hai.n
aadamii se Darate ho (2)
aadamii to tum bhii ho
aadamii to tum bhii ho, aadamii to ham bhii hai.n

tum abhii se Darate ho

aadamii zubaa.N bhii hai, aadamii bayaa.N bhii hai (2)
harf aur maanii ke rishte haaye aahan se aadamii hai vaabastaa
aadamii ke daaman 
haa.N aadamii ke daaman se zindagii hai vaabastaa
isase tum nahii.n Darate ho (2)

anakahii se Darate ho
jo abhii nahii.n aa_ii us gha.Dii kii aamad kii aag hii se Darate ho
tum abhii se Darate ho

(pahale bhii to guzare hai.n
daur naarasaaii ke, beriyaa Khudaaii ke
phir bhii ye samajhate ho ) 2
phir bhii ye samajhate ho
hech aarazuumandii
ye shab-e-zabaa.Nbandii, hai rahe Khudaabandii
tum yahii samajhate ho 
tum magar ye kyaa jaano
lab agar nahii.n hilate haath jaag uThate hai.n
haath bol uThate hai.n 
subah kii azaa.N banakar

raushanii se Darate ho
raushanii to tum bhii ho, raushanii to ham bhii hai.n
tum abhii se Darate ho

(raah-e-shauq me.n jaise raaharau kaa Khuu.N lapake
ik nayaa junuu.N lapake) 2
aadamii chhalak uTThe
aadamii ha.Nse dekho, shahar phir base dekho

tum abhii se Darate ho (4)

--
aahan = lohaa
vaabastaa = sa.nba.ndhit
naarasaaii = asamarthataa
beriyaa = binaa chhal-kapaT
aarazuumandii = vyaakulataa
raaharau = yaatrii, raahagiir