cha.ndaa loriyaa.N sunaae
havaa jhulanaa jhulaae
raanii, ni.ndiyaa sulaa_e mere laal ko \-2

baraso.n shaam savere maa.N ne royaa dil kaa dukha.Daa \-2
tab jaake bhagavaan ne baKshaa ye cha.ndaa kaa mukha.Daa

khelegaa jab mere a.Nganaa khel ye pyaare pyaare \-2
khelan ko tab laayegii maa.N niil gagan ke taare

baa.Ndh ke seharaa banegaa jis din duulhaa meraa raajaa \-2
Kushiyo.n kii baaraat sajegii, aramaano.n kaa baajaa