mere saaqiyaa mere dilarubaa
mujhe bhuul jaa mujhe bhuul jaa

naa vo dil rahaa naa vo jii rahaa
naa vo daur-e- aish-o-Khushii rahaa
naa vo rabt-o-zabt-e-dilii rahaa
naa vo auj-e-tishnaalabii rahaa
mai.n alam navaaz huu.N aajakal
mai.n shikastaa saaz huu.N aajakal
mai.n saraapaa raaz huu.N aajakal
mujhe ab Kayaal me.n bhii naa laa
mujhe bhuul jaa mujhe bhuul jaa

mujhe zi.ndagii se aziiz tar
faqat ek terii hii zaat thii
terii har nigaah mere liye 
sabab-e-sukuun-e-hayaat thii
magar ab to ra.ng hii aur hai
naa vo tarz hai naa vo taur hai
ye sitam bhii qaabil-e-Gaur hai
tujhe apane husn kaa vaastaa 
mujhe bhuul jaa mujhe bhuul jaa