pu: magar ai haseenaa-e-beKhabar
     zaraa dekh chupake se ik nazar
     mai.n huu.N beqaraar nahii.n nahii.n
     mujhe tujhase pyaar nahii.n nahii.n

strii: magar ai haseen se naujavaa.N
     na sunaa muhabbat kii daastaa.N
     teraa aitabaar nahii.n nahii.n
     mujhe tujhase pyaar nahii.n nahii.n

pu: tuu kahe agar to mai.n jaan-o-dil 
     terii ik nigaah pe vaar duu.N
     mai.n falak se taaro.n ko noch kar
     terii o.Dhanii ko sa.nvaar duu.N
     magar ai haseenaa-e-beKabar ...

strii: tuu hasii.n bhii hai tuu javaa.N bhii hai
     koii kah de tujhame.n kamii hai kyaa
     koii kaash tujhako bataa sake
     ki ye dil lagaanaa ha.Nsii hai kyaa
     karuu.N aa.Nkhe chaar nahii.n nahii.n
     mujhe tujhase pyaar nahii.n nahii.n ...