hamane jinake Kvaab sajaaye 
aaj vo mere saamane hai.n 
dil kii haalat haay re haay 
aaj vo mere saamane hai.n 

duniyaa bhar kii Kushiyaa.N aa gayii.n 
simaT ke mere pahaluu me.n 
kuchh hairaa.N aur kuchh sharamaa_ii 
aaj vo mere saamane hai.n 
hamane jinake Kvaab sajaaye ... 

mastii se maK_muur nigaahe.n 
qaatil qaatil shoK adaaye.n 
ab to Kudaa hii dil ko bachaaye 
aaj vo mere saamane hai.n 
hamane jinake Kvaab sajaaye ... 

do nainaa kuchh kah ke jhuke hai.n 
bhed bharii hai.n ye baate.n 
kyaa samajhuu.N mai.n kuchh samajhaao 
aaj vo mere saamane hai.n 
dil kii haalat haay re haay 
aaj vo mere saamane hai.n 
hamane jinake Kvaab sajaaye ...