khushabuu huu.N mai.n phuul nahii.n huu.N jo murajhaauu.Ngaa
jab jab mausam laharaayegaa, mai.n aa jaauu.Ngaa

merii suurat koii nahii.n hai, cheharaa meraa cheharaa hai
bhiigaa saavan suunaa aa.Ngan, har aaiinaa meraa hai
jab-jab kalii khilegii koii, mai.n muskaauu.Ngaa
mai.n aa jaauu.Ngaa ...

shaam kaa gaharaa sannaaTaa jab diip jalaane aayegaa
meraa pyaar tumhaarii suunii baaho.n me.n ghabaraayegaa
mai.n mamataa kaa aa.Nchal ban kar lorii gaauu.Ngaa
mai.n aa jaauu.Ngaa...

jab bhii merii yaad sataaye, phuul khilaatii rahanaa
mere giit sahaaraa de.nge inako gaatii rahanaa
mai.n anadekhaa taaraa ban kar raah dikhaauu.Ngaa
mai.n aa jaauu.Ngaa ...