bulabulaa re bulabulaa mujhako baaho.n me.n sulaa
kho ke merii aashiqii.n me.n saarii duniyaa ko bhulaa

bulabulaa re bulabulaa dilarubaa kah kar bulaa
saathiyaa tere li_e to dil kaa daravaazaa khulaa
bulabulaa re ...

manachalii in vaadiyo.n me.n khushbu_e.n hai.n pyaar kii
kar de puurii aaj saarii khvaahishe.n diladaar kii
kah rahe hai.n ye nazaare rut yahii diidaar kii
naa rahegii ab adhuurii aarazuu mere yaar kii
bulabulaa re ...

goraa goraa ruup teraa kaale kaale baal hai.n
ho.nTh tere hai.n rasiile phuul jaise gaal hai.n
mai.n diivaanii ho rahii huu.N aur naa taariif kar
ba.Dh rahii hai bekaraarii Daal naa aisii nazar
bulabulaa re ...