dil meraa churaane lagaa raato.n ko jagaane lagaa
pyaar jab hotaa hai nii.nd u.D jaatii hai
roj akele me.n phir yaad aatii hai
jaane jaane dil diivaanaa pyaar teraa
dil meraa churaane lagaa ...

hosh aa rahaa hai premii jaa rahaa hai
mujh pe chaahato.n kaa ra.ng cha.Dh rahaa hai
pyaar zaraa palako.n me.n chhupaanaa
tiir chal rahe hai.n dil machal rahe hai.n
aag bekhudii kii premii jal rahe hai.n
ye kaisaa jaaduu hai bataanaa 
chain churaa ke kyuu.n aa.Nkh churaatii hai
merii hii saa.Nso.n me.n dard jagaatii hai
jaane jaane ye diivaanaa ...

hai samaa.n suhaanaa aa jaa kariib aanaa
mai.n likhuu.n labo.n pe ek hasii.n fasaanaa
chho.D merii baaho.n ko tuu sataa naa
hai abhii zaruurii tho.Dii tho.Dii duurii
terii aarazuu to mai.n karuu.ngii puurii
maan merii baato.n ko na jalaanaa
tanhaa_ii sii kyuu.n ta.Dapaatii hai
ko_ii sadaa harapal paas bulaatii hai
jaane jaane ye diivaanaa ...