chaa.Nd kitanii duur thaa sitaare kitanii duur the
tum jo aa ga_e to sab kariib aa ga_e
chaa.Nd kitanii duur ...

tumhaaraa haath raat me.n hinaa kaa ra.ng mal gayaa
hamaare dil ke taaq me.n chiraag-e-shauq jal gayaa
do badan ke saa_e anjuman sajaa ga_e
chaa.Nd kitanii duur ...

bujhaa do pyaas pyaar kii labo.n se kuchh to bol do
bas ek nii.nd so sakuu.N ye zulf-e-naaz khol do
thaam lo hame.n ham Dagamagaa ga_e
chaa.Nd kitanii duur ...