apanaa desh videsh ke aage haath na phailaa_e
aaj jahaa.N hai ret kal vahaa.N khet muskaraa_e 
aisaa ki gaa.Nv-gaa.Nv me.n ga.ngaa laharaa_e
apanaa desh videsh ...

mehanat kaa hii naam hai vo jisako qismat kahate hai.n
do haatho.n kaa khel hai vo jisako daulat kahate hai.n
ham jahaa.N pasiinaa bahaa_e.Nge motii vahaa.N ugaa_e.Nge
nadiyaa.N baa.Ndh nahar nikaale.n Kushahaalii chhaa_e
apanaa desh videsh ...

desh kii har chiiz hai apanii kyo.n apane haatho.n se to.De.n
isako bachaanaa farz hai apanaa kyo.n sarakaar par chho.De.n
apanaa bhaarat saaraa hame.n praa.nt-praa.nt hai pyaaraa
aapas ke hii in da.ngo.n me.n desh na jal jaa_e
apanaa desh videsh ...