ek baar jhalak dikhalaa ke hame.n qismat kaa sitaaraa Duub gayaa
kashtii to bechaarii kashtii thii paanii me.n kinaaraa Duub gayaa

isii kaa naam duniyaa hai to duniyaa dekh lii maine

kisii kii aarazuu kaa Kuun karake kyaa milaa mujhako
ki apane dil kii duniyaa bhii uja.Date dekh lii maine
isii kaa naam duniyaa hai ...

merii aa.Nkho.n ke aage luT rahaa thaa dil kaa qaafilaa
qayaamat hai ki jiite jii qayaamat dekh lii maine
isii kaa naam duniyaa hai ...

merii a.ndhii javaanii ne mujhe barabaad kar Daalaa
kisii kii bevafaa_ii par luTaa dii zindagii maine
isii kaa naam duniyaa hai ...