aap ke hasiin ruK pe aaj nayaa nuur hai
meraa dil machal gayaa to meraa kyaa qusuur hai
aap kii nigaah ne kahaa to kuchh zuruur hai
meraa dil machal gayaa to meraa kyaa qusuur hai

khulii laTo.n kii chhaa.Nv me.n khilaa-khilaa saa ruup hai
ghaTaa pe jaise chhaa rahii subah-subah kii dhuup hai
jidhar nazar mu.Dii udhar suruur hii suruur hai
meraa dil ...

jhukii-jhukii nigaah me.n bhii hai.n balaa kii shoKiyaa.N
dabii-dabii ha.nsii me.n bhii ta.Dap rahii hai.n bijaliyaa.N
shabaab aap kaa nashe me.n Kud hii chuur-chuur hai
meraa dil ...

jahaa.N-jahaa.N pa.De kadam vahaa.N fizaa.n badal ga_ii
ki jaise sar-basar bahaar aap hii me.n Dhal ga_ii
kisii me.n ye kashish kahaa.N jo aap me.n huzuur hai
meraa dil ...