Gam-e-dil kisase kahuu.N ko_ii bhii GamaKvaar nahii.n
hai.n sabhii Gair yahaa.N ko_ii bhii hamaraaz nahii.n
zaKm-e-dil kii ye jalan qaabil-e-izahaar nahii.n
hai.n sabhii Gair yahaa.N ...

silasilaa TuuT gayaa pyaar ke afasaano.n kaa
ho gayaa Kaaq chaman tinake bikharaa ke ga_ii 
vo ek puradard havaa rah ga_e Gam ke nishaa.N
Gam-e-dil kisase kahuu.N ...

aaj ashqo.n me.n bahe jaate hai.n TuuTe sapane
aur ye daur-e-sitam kisase fariyaad kare.n
kaun sune dil kii zubaa.N hai ye bedard jahaa.N
Gam-e-dil kisase kahuu.N ...