is tarah dekho na hamako is tarah naa muskuraanaa
ik nashaa chhaayaa hai ham par hosh me.n hamako na laanaa
is tarah dekho na ...

shokh nazar ye mast adaa_e.n inape aa mar jaa_e.n ham
is hasii.n mahaul se bach kar bolo kyuu.n ghar jaa_e.n ham
yuu.n bahak jaane do dil ko ham ko naa kuchh yaad rahe
aaj dil kuchh maa.ng rahaa hai aaj naa hamase sharamaanaa
ik nashaa chhaayaa hai ...

tere dil me.n kyaa kyaa kuchh hai hamane sab kuchh jaan liyaa
tuu hai ik aavaaraa baadal hamane tujhe pahachaan liyaa
yuu.n naa bahak tuu hosh me.n aa re baat naa kar aisii vaisii
jhel na paa_egaa o pagale merii nazaro.n kaa nishaanaa
ik nashaa chhaayaa hai ...