o kalii anaar kii na itanaa sataa_o
pyaar karane kii ko_ii riit bataa_o
kalii anaar kii na ...

o Gunche gulaab ke na batiyaa.N banaa_o
pahale kisii ko dil me.n biThaa_o

a.Nkhiyaa.N gulaabii ra.ngii.n shabaab
hamako pilaa_e pyaar kii sharaab
pa.Dh lo hamaare dil kii kitaab
isame.n likhaa hai pyaar kaa javaab
bharii bahaar me.n shor na machaa_o
pyaar kaa usuul hai ghar me.n bulaa_o
kalii anaar kii na ...

kar lo kabhii to ha.Ns ke do baate.n
kaaTe kaTe.n na birahaa kii ye raate.n
aa_oge jis din le ke baaraat
de de.nge haath
kisii ke pyaar ko pyaar se sajaa_o
jiivan bhar kaa saath nibhaa_o
pyaar karane kii ...

dil kaa bha.Nvaraa tum par nisaar
mere chaman kii tuu hai bahaar
batiyaa.N tumhaarii ras kii phuhaar
hamane sunii dil ga_e haar
chhoTii-chhoTii baato.n par jii na jalaa_o
pyaar karane kii ...