jo pyaar tuune mujhako diyaa thaa
vo pyaar teraa mai.n lauTaa rahaa huu.N
ab ko_ii tujhako shikavaa na hogaa
terii zi.ndagii se chalaa jaa rahaa huu.N
jo pyaar tuune ...

hamako khabar bhii hone nahii.n dii
kis mo.D par laa ke dil tuune to.Daa
apanaa banaanaa rahaa duur tuune
auro.n ke ho jaa_e.n aisaa naa chho.Daa
terii jafaa kaa charchaa hii kaisaa
apanii vafaa pe mai.n sharamaa rahaa huu.N
jo pyaar tuune ...

piichhe na ab ko_ii aayegaa tere
ab ko_ii tujhako na aavaaz degaa
mu.D kar kise dekhataa hai mere dil
teraa kaun hai jo tujhe rok legaa
tujhako mubaarak zamaane kii khushiyaa.n
miTanaa hai mujhako miTaa jaa rahaa huu.N
jo pyaar tuune ...