dilarubaa maine tere pyaar me.n kyaa-kyaa naa kiyaa
dil diyaa dard liyaa -2
kabhii phuulo.n me.n guzaarii kabhii kaa.NTo.n pe jiyaa
dil diyaa dard liyaa -2

zindagii aaj bhii hai bekhudii aaj bhii hai
pyaar kahate hai.n jise vo Kushii aaj bhii hai
maine din-raat mohabbat kaa terii jaam piyaa
dil diyaa dard liyaa -2
dilarubaa maine tere ...

kyaa kahuu.N tere li_e maine aa.Nsuu bhii pi_e
kabhii Kaamosh rahaa kabhii shikave bhii ki_e
kar liyaa chaaq garebaa.n kabhii daaman ko siyaa
dil diyaa dard liyaa -2
dilarubaa maine tere ...

pyaar kii aan hai tuu dil kaa aramaan hai tuu
kaun duniyaa se Dare jab nigehabaan hai tuu
apanii kashtii ko sahaare pe tere chho.D diyaa
dil diyaa dard liyaa -2
dilarubaa maine tere ...