tere nainaa kyo.n bhar aa_e
vo hai sabakaa rakhavaalaa
tuu kaahe ko ghabaraa_e
tere nainaa kyo.n ...

ye aa.Nsuu aur ye dukh saare le jaa prabhuu ke dvaare
vo hii TuuTii aas ba.Ndhaa_e biga.De kaaj sa.Nvaare
dvaar se usake ko_ii khaalii haath na vaapas jaa_e
tere nainaa kyo.n ...

jiivan kii ye dhuup-chhaa.Nv sab hai khel-tamaashaa
man se aa.Nkh-michaulii khele aashaa aur niraashaa
aaj hai dukh to kal sukh hogaa kaahe niir bahaa_e
tere nainaa kyo.n ...