ai lo mai.n ban gayaa thaanedaar bhaiyaa ab Dar kaahe kaa
rishvat Korii ab na chalegii
choro.n kii chorii ab na chalegii
are joraa jorii ab na chalegii
ab apanii hai sarakaar bhaiyaa ab Dar kaahe kaa ...

ab na kisii se tum ghabaraa_o
thaane me.n aa_o rapaT likhaa_o
kisii kii izzat ab na luTegii
kisii kii mehanat ab na luTegii
mai.n sabakaa paharedaar bhaiyaa ab Dar kaahe kaa ...

tum mere ho mai.n tum sabakaa
ye rishtaa hai jaane kab kaa
in galiyan me.n ham saathii hai.n
is jiivan ke ham saathii hai.n
naa TuuTe kabhii ye pyaar bhaiyaa ab Dar kaahe kaa ...

ba.nd yuu.N apanii muTThii kar dii
maine sabakii chhuTTii kar dii
daaruu kaa aDDaa ab naa chalegaa
are shahar me.n saTTaa ab na chalegaa
lambuu kii lambii maar ho bhaiyaa ab Dar kaahe kaa ...