kaalii raat jaisaa jiivan
saveraa hogaa kyaa kabhii
raahe.n aisii chunii maine shaayad mumaqin nahii.n kuchh aise
kuchh aisii berahamii se Kud shaitaan ho jaise
kyaa-kyaa kar Daalaa kahuu.N mai.n kaise

sahame nyaare jo Kwaab dekhe
Kushiyo.n se jhilamilaate taare
murajhaa chale hai.n saare

phir ek din aayegaa zaruur
duur karataa raat a.ndhiyaarii
tab-tak Dhuu.NDhuu.N mai.n
wo chi.ngaarii
mai.n wo i.nsaan ko Dhuu.NDhuu.N
kho_ii muskaan ko Dhuu.NDhuu.N
bas ik parachhaa_ii.n huu.N
ek Kaamosh gaharaa_ii huu.N -2