ham laakh chhupaa_e.n pyaar magar duniyaa ko pataa chal jaa_egaa
lekin chhup chhup ke milane se milane kaa mazaa to aa_egaa

tum kitane bhole bhaale ho har baat ko khel samajhate ho
mai.n jab duniyaa kii kahataa huu.N tum apane dil kii kahatii ho
yah pyaar hamaaraa rab jaane ( jaane kyaa ra.ng laa_egaa ) -2
lekin chhup chhup ke ...

ye mast havaa mahakii ye fizaa aa.Nkho.n me.n nashaa saa chhaataa hai
ik ra.ng Kushii kaa aataa hai ik ra.ng Kushii kaa jaataa hai
ye miiThaa miiThaa dard mujhe din raat yuu.N hii ta.Dapaa_egaa
lekin chhup chhup ke ...

tum in baa.Nho.n ke ghere me.n aa.Nkhe.n band karake so jaa_o
kal kyaa hogaa ye bhuul ke tum miiThe sapano.n me.n kho jaa_o
mai.n rakhavaalaa is tan man kaa jo hogaa dekhaa jaa_egaa
lekin chhup chhup ke ...