aa pyaar ke ra.ng bhare.n pyaare alfaazo.n me.n
yuu.n sune.n ham dil kii baate.n apanii aavaazo.n me.n
aa pyaar ke ra.ng ...

jisane dil dha.Dakaayaa us pal ko ham yaad kare.n
us pal kii yaado.n se naGme.n ham aabaad kare.n
sa.ngiit nayaa jaagaa ho sa.ngiit nayaa jaagaa
dha.Dakan ke in saazo.n me.n
aa pyaar ke ra.ng ...

milanaa aur bichhu.Danaa is jiivan kii riit rahii
kitane ruup badale man me.n lekin priit rahii
hai.n ra.ng vafaa_o.n ke apane is andaazo.n me.n
aa pyaar ke ra.ng ...