pyaar vafaa hai pyaar sadaa hai pyaar du_aa hai pyaar Kudaa hai
pyaar yahii hai dekh diivaane pyaar yahaa.n kise aisaa milaa hai

chaahato.n kii duniyaa me.n dekh aisaa hotaa hai
ek pal jo ha.Nsataa hai baar baar rotaa hai
kaa.NTe bichhe hai.n raaho.n me.n aur ma.nzil nahii.n ko_ii
tanhaa_iiyo.n me.n pyaar kii shaamil nahii.n ko_ii
juganuu.n kii roshanii bhii kahii.n aatii nazar nahii.n
tuufaan hii tuufaan hai saahil nahii.n ko_ii
kitanaa a.Ndheraa raaho.n me.n yaaraa
isakaa bane ab kaun sahaaraa
ab na ko_ii suuraj hai naa ko_ii saveraa hai
chaa.Ndanii bhii ruuThii hai duur tak a.ndheraa hai
Gam ke sivaa jahaa.N me.n bataa i.nsaa.n ko kyaa milaa
tuune banaa_ii kyuu.N yahaa.N chaahat mere Kudaa
aa paanii ke bulabulo.n kii tarah TuuTii hai.n hasarate.n
aatii nahii.n kahii.n se bhii usakii ko_ii sadaa
kaisii hai chaahat kaisii mohabbat
kaisii hai ulajhan kaisii hai hasarat
hasarato.n kii palako.n pe chaahato.n kaa melaa hai
dard to hazaaro.n hai.n aadamii akelaa hai
pyaar vafaa hai ...

ye diivaanaa diivaanaa
suulii pe bhii cha.Dhanaa pa.Dataa hai
sar ko bhii kaTaanaa pa.Dataa hai
kuchh bhii ho mohabbat me.n lekin
ye karz chukaanaa pa.Dataa hai
is raaz-e-mohabbat ko lekin
ko_ii bhii nahii.n samajhaa ab tak
khud apane hii haatho.n se apanii
hastii ko miTaanaa pa.Dataa hai
ye diivaanaa diivaanaa