la :	o kanhaiyaa o kanhaiyaa aaj aanaa Kvaab me.n
	apanii raadhaa ko gale se tuu lagaanaa Kvaab me.n
ko :	o kanhaiyaa ...

la :	nain hamaare teraa ma.ndir aur ye dil aaratii
ko :	aur ye dil aaratii
la :	le ga_ii hai dil hamaaraa terii suurat saa.Nvarii
ko :	terii suurat saa.Nvarii
la :	kah rahii hai gunagunaakar man kii koyal baavarii
ko :	man kii koyal baavarii
la :	o kanhaiyaa ...

la :	jab suhaanii shaam aa_e yaad aa_e shaam kii
ko :	yaad aa_e shaam kii
la :	jap rahii huu.N prem maalaa mai.n tumhaare naam kii
ko :	mai.n tumhaare naam kii
la :	tum nahii.n merii vyaakul zindagii kis kaam kii
ko :	o kanhaiyaa ...

la :	aaj palako.n ke jharokho.n mai.n bulaa luu.Ngii tujhe
ko :	mai.n bulaa luu.Ngii tujhe
la :	dil ke si.nhaasan pe mohan mai.n biThaa luu.Ngii tujhe
ko :	mai.n biThaa luu.Ngii tujhe
la :	dono.n aa.Nkhe.n mii.nch luu.Ngii aur chhupaa luu.Ngii tujhe
la :	o kanhaiyaa ...