siine me.n sulagataa hai dil Gam se pighalataa hai dil
jitane bhii aa.Nsuu hai.n bahe utanaa hii jalataa hai dil
kaisii hai ye agan kaisii hai ye jalan
kaisii baarish hu_ii jal gayaa hai chaman

kaisaa ye sitam ho gayaa paayaa jise thaa vo kho gayaa
lagataa hai nasiib meraa hameshaa ke li_e so gayaa
kaisii hai ye agan ...

mai.n huu.N aur yaado.n kii hai.n parachhaa_iiyaa.n
Thokare.n hai.n aur hai.n rusavaa_iiyaa.n
duur tak kuchh bhii nazar aataa nahii.n
har taraf phailii hai.n bas tanhaa_iiyaa.n
jalate the jo mere li_e bujh ga_e vo saare diye
tuu hii ye bataa de zi.ndagii kab tak ko_ii jiye
kaisii hai ye agan ...

chhaa ga_ii.n Gam kii ghaTaa_e.n kyaa karuu.n
ro rahii.n hai.n ye havaa_e.n kyaa karuu.n
gholatii thii.n ras jo kaano.n me.n kabhii
kho ga_ii hai.n vo sadaa_e.n kyaa karuu.n
jaane ab jaanaa hai kahaa.n
aa.Nkho.n me.n hai jaise dhu_aa.n
milate nahii.n hai.n raaste miT ga_e saare nishaa.n
kaisii hai ye agan ...