zaraa jhuumane do ke masaruur huu.N mai.n
yahaa.N huu.N yahaa.N se bahut duur huu.N mai.n

mujhe dekhi_e mai.n ko_ii daastaa.N huu.N -2
bahut kuchh hai dil me.n magar bezubaa.N huu.N
mujhe dekhi_e mai.n ...

jinhe.n yaad huu.N mai.n bhulaa_e.Nge kaise
mujhe bazm se vo ( uThaa_e.Nge kaise ) -2
jalii to shamaa thii bujhii to dhu_aa.N huu.N
mujhe dekhi_e mai.n ...

abhii chaahatii huu.N zaraa muskaraanaa
kabhii phir karuu.Ngii bayaa.N ye fasaanaa
mujhe jaan legaa ( kisii din zamaanaa ) -3
bahaar-e-chaman huu.N ke daur-e-Kizaa.N huu.N
mujhe dekhi_e mai.n ...

shiqast-e-muhabbat bhalaa kaise maanuu.N
ajii dard-e-dil ko davaa kaise maanuu.N
ki mai.n ek but ko ( Kudaa kaise maanuu.N ) -2
buto.n kii Kudaa_ii pe mai.n badagumaa.N huu.N
mujhe dekhi_e mai.n ...