chupake chupake sakhiyo.n se vo baate.n karanaa bhuul ga_ii
mujhako dekhaa panaghaT pe to paanii bharanaa bhuul ga_ii
chupake chupake sakhiyo.n se ...

pahale shaayad usako mere chehare kaa a.ndaaz naa thaa
mujhase aa.Nkhe.n Takaraa_ii.n to khud pe maranaa bhuul ga_ii
chupake chupake sakhiyo.n se ...

sach puuchho to merii vajah se usako aisaa rog lagaa
kaajal meha.ndii ka.ngan bi.ndiyaa se sa.nvaranaa bhuul ga_ii
chupake chupake sakhiyo.n se ...

kyaa jaane kab usase milane aa jaa_uu.n is khvaahish me.n
chhat par baiThii rahatii hai vo chhat se utaranaa bhuul ga_ii
chupake chupake sakhiyo.n se ...