arii arii arii arii teraa satyaanash are menii arii la.Dakii ye tuune kyaa kiyaa
are mujh la.Dake ko tanhaa majhadhaar me.n
chho.D kar tuu akele kinaare par uchhal pa.Dii
bevafaa beraham bemuravvat terii ye himmat

dekho meraa janaazaa nikalaa merii jaan kii nikalii Dolii
dulhan ne lagaa_ii me.nhadii mere khuun se khelii holii
ho dekho meraa janaazaa ...

ko_ii shagun buraa karo chhii.nke maaro
isake raaste se kaalii billiyaa.n guzaaro
taane maaro aur yaaro.n karii sapoye ho_e
aage Dolii chale to piichhe kaalaa kuttaa ro_e
ko_ii kai.nchii bajaa_o karo ulTii chaarapaa_ii
ye hai ba.Dii bevafaa ye hai ba.Dii harajaa_ii
shaadii kisii aur se kar lii khelii mujhase aa.Nkh michaulii
o dekho meraa janaazaa ...

jisane rishtaa karaayaa mar jaaye vo kamiinaa kamiinaa
haay haay marake bhii chain vo paa_e kabhii naa
o rabbaa raste me.n ko_ii shamashaan aa jaa_e
shamashaan nahii.n tuufaan tuufaan aa jaa_e
duulhaa gho.De se gire usakii Taa.ng TuuT jaa_e
maa.ng rab se du_aa_e.n ko_ii bam phaT jaa_e
Dolii chho.D ke kahaar bhaag jaa_e is shahar me.n chal jaa_e golii
ho dekho meraa janaazaa ...

meraa naam kahii.n tuu badanaam na karanaa
tere saath hai jiinaa tere saath hai jiinaa
meraa naam kahii.n ...

maine tujhase mazaak kiyaa saajan pyaare
tere saath la.De hai.n mere nain ka.nvaare
aa.Nsuu po.nchh le ye rumaal tuu meraa
mai.n huu.N sonii terii mahivaal tuu meraa
jis din maine tujhako dekhaa mai.n to terii ho lii
merii Dolii jaa_egii tere aa.ngan o hamajolii

jiye soNiyo jiye tenuu.n merii pat rakh dii teraa javaab nahii.n