merii dushman hai ye merii ulajhan hai ye
ba.Daa ta.Dapaatii hai dil ko tarasaatii hai
( ye khi.Dakii ) -2 jo band rahatii hai -2
merii dushman hai ye ...

lagataa hai melaa na jaane kahaa.N
aashiq jamaa hote hai.n jahaa.N
are sabako pataa hai ye daastaa.N
is ghar me.n hai ek la.Dakii javaa.N
aa.Nkhe.n jhukaa ke guzaro is galii se
aane-jaane vaalo.n se kahatii hai
ye khi.Dakii jo band ...

Gam kii ghaTaa hai ye chhaT jaa_egii
aaho.n se diivaar phaT jaa_egii
jab saamane se ye haT jaa_egii
ghuu.NghaT me.n gorii simaT jaa_egii
ik roz gir jaa_egii TuuT ke ye
kitane nazaro.n ke tiir sahatii hai
ye khi.Dakii jo band ...

aa_e kabhii chaubaare pe vo
kuchh soche mere baare me.n vo
are baate.n kare do ishaare me.n vo
chup sii kha.Dii hai us kinaare pe vo
us paar vo hai aur is paar mai.n huu.N
nadiyaa biich me.n bahatii hai
ye khi.Dakii jo band ...