( jaan-e-man ik nazar dekh le
tere sadake idhar dekh le ) -2

ye bahaare.n ye chaman sab Kushii se hai.n magan
chuume.n qadamo.n ko tere chaa.Nd kii pahalii kiraN
jaan-e-jaa.N raah-e-vafaa dil haii diivaanaa teraa
chaahe.n apanaa naa samajh miiThii nazare.n to uThaa
gair hii jaan kar dekh le
jaan-e-man ik nazar ...

jo bhii marajii hai terii hai vahii merii Kushii
merii jaanib se tujhe ho mubaarak ye gha.Dii
zulf kii chhaa.Nv tale pyaar kaa daur chale
shaam-e-furaqat me.n agar ko_ii jalataa hai jale
tuu Kushii kii sahar dekh le
jaan-e-man ik nazar ...

husn-e-yusuf kii qasam Dagamagaate hai.n qadam
jii me.n aataa hai yahii chhiin luu.N teraa sanam
lekin haay mast adaa maan ehasaan meraa
maine har jazbaa-e-dil tujhape qurbaan kiyaa
meraa dil aur jigar dekh le
jaan-e-man ik nazar ...