kiyaa mujh ishq ne zaalim ko aab aahistaa-aahisataa -2
ke aatish gul ko karatii hai gulaab aahistaa-aahisataa
kiyaa mujh ishq ne zaalim ko aab aahistaa-aahisataa

ajab kuchh lutf rakhataa hai shab-khilawat me.n dil baraso.n
sawaal aahistaa-aahisataa jawaab aahistaa-aahisataa
kiyaa mujh ishq ne zaalim ko aab aahistaa-aahisataa

mere dil ko kiyaa beKud terii akhiyaa.N ne aaKir ko
ki jyuu.N behosh karatii hai sharaab aahistaa-aahisataa
kiyaa mujh ishq ne zaalim ko aab aahistaa-aahisataa

adaa-o-naaz suu.N aataa hai wo roshan-jabii.n ghar suu.N
ki jyuu.N mashariq se nikale aafataab aahistaa-aahisataa
kiyaa mujh ishq ne zaalim ko aab aahistaa-aahisataa

walii mujh dil me.n aataa hai Kayaal-e-yaar beparawaa
ke jyuu.N akhiyaa.N male aataa hai Kaab aahistaa-aahisataa
kiyaa mujh ishq ne zaalim ko aab aahistaa-aahisataa
ke aatish gul ko karatii hai gulaab aahistaa-aahisataa
kiyaa mujh