shikavaa nahii.n kisii se kisii se gilaa nahii.n
nasiib me.n nahii.n thaa jo hamako milaa nahii.n
nasiib me.n nahii.n ...

tuu mil sakaa na hamako tasallii to mil ga_ii
aa_ii bahaar shaakh pe kalii bhii khil ga_ii
aramaa.n thaa hamako jisakaa vo gul khilaa nahii.n
nasiib me.n nahii.n ...

yaado.n kii jhilamilaatii parachhaa_iyo.n ke din
kaTate nahii.n hai.n tanhaa tanhaa_iyo.n ke din
hai chaahato.n kaa dilakash ab silasilaa nahii.n
nasiib me.n nahii.n ...