pyaar ishq aur mohabbat mohabbat mohabbat
is parabat pe is patajha.D me.n phuul ko_ii khil jaa_e
haa.N kabase usako Dhuu.NDh rahaa huu.N shaayad vo mil jaa_e
haa.N tum laakh chhupe ho mujhase
lekin maine Dhuu.NDh liyaa hai
haa.N naam pataa is dil se tumhaaraa
maine puuchh liyaa hai
tum laakh chhupe ho ...

kuchh sunatii ho naa kahatii ho
tasviir sii bas chup rahatii ho
jaan-e-man merii jaan ho tum
lekin mujhase anjaan ho tum
maine ik patthar kii muurat ko
shaayad puuj liyaa hai
tum laakh chhupe ho ...

ye goraa goraa mukha.Daa hai
yaa ko_ii chaa.Nd kaa Tuka.Daa hai
ye pyaarii pyaarii aa.Nkhe.n hai.n
yaa gaharii gaharii jhiile.n hai.n
tum ye kyaa jaano in aa.Nkho.n me.n
ko_ii Duub gayaa hai
tum laakh chhupe ho ...