tuu aa_e na aa_e magar jaane vaale terii yaad aa aa kar rulaayaa karegii
jo dekhegaa rotaa hai ko_ii akelaa -2 to khud bhii aa.Nsuu bahaayaa karegii
tuu aa_e na aa_e ...

jidhar se gayaa tuu ye raahe.n hameshaa tarasatii rahe.ngii terii vaapasii ko
udhar se havaa bhii jo aayaa karegii -2 teraa naam lekar sataayaa karegii
tuu aa_e na aa_e ...

jo raato.n ko taare ye puuchhe.nge mujhase bataa tuu bhii kyo.n raat bhar jaagatii hai
kahuu.Ngii merii nii.nd bas me.n nahii.n hai -2 ye birahan bahaane banaayaa karegii
tuu aa_e na aa_e ...

jahaa.N merii aa.Nkho.n kaa paanii giregaa terii yaad ke phuul khilate rahe.nge
savere-savere jo aa_egii shabanam -2 to dil thaam kar lauT jaayaa karegii
tuu aa_e na aa_e ...