meraa prem himaalay se uu.Nchaa saagar se gaharaa pyaar meraa
apanaa kah de ik baar mujhe hogaa upakaar teraa
meraa prem himaalay se ...

jab mast pavan ke giito.n pe bajatii hai bahaaro.n kii paayal
cha.nchal nadiyaa kii baa.Nho.n me.n jab ghir aa_e pyaasaa baadal
tab yaad mujhe terii aatii hai kuchh tujhape adhikaar meraa
meraa prem himaalay se ...

naino.n me.n hai.n amR^it ke pyaale tan niil-gagan saa nirmal hai
vaaNii me.n hai viiNaa kii saragam man phuul se bhii teraa komal hai
tujhe dekh ke aisaa lagataa hai kitanaa sundar sa.nsaar meraa
meraa prem himaalay se ...