ko :	pyaar kii pyaas pyaar kii pyaas
ra :	kyaa dharatii aur kyaa aakaash sabako pyaar kii pyaas
ko :	pyaar kii pyaas pyaar kii pyaas

la :	saritaa ko saagar kii pyaas
	saagar me.n laharo.n kaa vaas
	lahare.n uTh-uTh jaanaa chaahe.n
	puunam ke cha.ndaa ke paas
	man se man ko har jiivan ko -2
	ek aas vishvaas
ko :	pyaar kii pyaas pyaar kii pyaas

ra :	pahalii kiraN ko chhuukar ke
	phuul chaman kaa khil jaataa hai
	ek pyaar ke chumban se
	ja.D patthar bhii hil jaataa hai
la :	jug-jug ke pyaase chaatak ko -2
	ek buu.Nd kii aas
ko :	pyaar kii pyaas pyaar kii pyaas

la :	laakho.n taaro.n kii aa.Nkhe.n
	raat ko bhar-bhar aatii hai.n
	bhor bha_e to kaliyo.n par
	shabanam jhar-jhar jaatii hai
	praaN kaa patajha.D pal-pal Dhuu.NDhe -2
	jiivan kaa madhumaas
ko :	pyaar kii pyaas pyaar kii pyaas

ra :	pyaasaa-pyaasaa jag saaraa
	pyaasii jag kii har dhaaraa
	mahaa pyaar kii pyaas li_e
	pyaasaa khud sR^ijanahaaraa
	pyaas kii dharatii par iishvar ne -2
	likhaa sR^iShTi itihaas
ko :	pyaar kii pyaas pyaar kii pyaas