ham premii prem karanaa jaane.n
kahe.n na dil kii baat sadaa chup rahanaa jaane.n
ham premii prem karanaa jaane.n
pyaar ke dushman ko hazaaro.n me.n pahachaane.n
ham premii ...

apano.n se jab Thes ko_ii lag jaatii hai
himmat apanii aur bhii ba.Dh jaatii hai
ye mat bhuulo aise hii diivaano.n ke
pairo.n me.n za.njiir bhii pa.D jaatii hai
diivaane za.njiir se kyaa Daranaa jaane.n
ham premii ...

mujarim ko paradaa chhupaa naa paa_egaa
chi.ngaarii ke khel me.n jal jaa_egaa
jalane vaalaa aag bhii lagaa sakataa hai
ye to usakaa vaar hii batalaa_egaa
ham to jisakaa vaar usii par dharanaa jaane.n
ham premii ...

aapas me.n Takaraanaa kaisaa gaa_o milakar saath mere
mere li_e to ho tum dono.n jaise ye do haath mere
aapake qadamo.n ke jaisaa duniyaa me.n kahaa.N aaraam ko_ii
aapakii chhaayaa hai ham pe to kar jaa_e.Nge kaam ko_ii
ham matavaale pyaar me.n jiinaa-maranaa jaane.n
ham premii ...