mukha.Daa teraa saaf nahii.n to darpaN ko kyo.n dho_e
apane aapako dhokhaa dekar o pagale kyo.n ro_e

jaisaa kiyaa hai tuune vaisaa hii tuu bharegaa
terii badii kaa badalaa tujhako yahii.n milegaa
jaisaa kiyaa hai tuune ...

Kush ho rahaa thaa kitanaa auro.n ko tuu rulaa ke
jhuuThe nashe me.n apanaa maGaruur sar uThaa ke
sochaa na vaqt aisaa tujh par hii aa pa.Degaa
jaisaa kiyaa hai tuune ...

to.Daa kisii kaa dil to kuchh naa malaal aayaa
jab apane tan pe khaa_ii phir kyo.n Kyaal aayaa
teraa kiyaa karaayaa tere saath hii chalegaa
terii badii kaa badalaa ...