ai merii zindagii ke sahaare kahaa.N hai tuu
mujhako bhii apane paas bulaa le jahaa.N hai tuu

aaj galiyo.n me.n terii aayaa hai diivaanaa teraa -2
dil me.n lekar Gam teraa ho.nTho.n pe afasaanaa teraa
aaj galiyo.n me.n terii ...

bhiikh de diidaar kii paradaa uThaa jalavaa dikhaa -2
maa.Ngataa hai husn kii Kairaat mastaanaa teraa -2
aaj galiyo.n me.n terii ...

tuu hii dil ko husn kii chi.ngaariyo.n se phuu.Nk de -2
aag me.n Gam kii jalaa jaataa hai paravaanaa teraa -2
aaj galiyo.n me.n terii ...

terii marjii hai banaa de yaa miTaa de tuu mujhe -2
zindagii tujh par hai sadake dil hai nazaraanaa teraa -2
aaj galiyo.n me.n terii ...