ishq kyaa hai ishq ibaadat ishq hai iimaa.n
ishq jagaa_e patthar me.n bhii dil me.n ho jaise aramaa.n
ishq me.n maranaa ishq me.n jiinaa
ishq kaa daaman chho.D kabhii naa
ishq kyaa hai ...

ishq ko jisane jaan liyaa hai
usane rab ko maan liyaa hai
ishq me.n khushiyo.n kaa mausam hai
ishq me.n aa.Nsuu ishq me.n Gam hai
ishq me.n jo bhii khoyaa kho detaa apanii pahachaan
ishq kyaa hai ...

ishq safar hai ishq musaafir
ishq chhipaa hai ishq hai zaahir
ishq Gazal hai ishq taraanaa
ishq kaa jaaduu sadiyo.n puraanaa
ishq me.n gul khilate hai.n yaa dil ho jaate viiraa.n
ishq kyaa hai ...