prem kaa hai is jag me.n pa.nth niraalaa
prem to hai is duniyaa me.n kaaraN duHkh kaa
premii ko hotaa hai anubhav sukh kaa
shiital pavan hai usako prem kii jvaalaa (2)
prem kaa hai is jag me.n pa.nth niraalaa

prem japan kii jag me.n riit hai nyaarii
asuvan ke manako.n par prem pujaarii
ro-ro kar japataa hai prem kii maalaa (2)
prem kaa hai is jag me.n pa.nth niraalaa

paagal premii ab tuu kyo.n rotaa hai, prem kaa to aisaa hii phal hotaa hai (2)
pahale kaahe na tuune dekhaa-bhaalaa (3)