kyaa kah ga_ii kisii kii nazar kuchh na puuchhiye
kyaa kuchh hu_aa hai dil pe asar kuchh na puuchhiye

jhukatii hu_ii nazar se wo uThataa hu_aa saa ishq
wo nazar wo ishq magar kuchh na puuchhiye

wo dekhanaa kisii kaa kanakhiyo.n se baar-baar
wo baar-baar usakaa asar kuchh na puuchhiye

ro-ro ke kis tarah se kaTii raat kyaa kahe.n
mar-mar ke kaise kii hai sahar kuchh na puuchhiye