ai husn-e-laalaafaam zaraa aa.Nkh to milaa
khaalii pa.De hai.n jaam zaraa aa.Nkh to milaa

kahate hai.n aa.Nkh aa.Nkh se milanaa hai ba.ndagii
duniyaa ke chho.D kaam zaraa aa.Nkh to milaa

kyaa wo na aaj aaye.nge taaro.n ke saath saath
tanahaa_iyo.n kii shaam zaraa aa.Nkh to milaa

saaqii mujhe bhii chaahiye ik jaam-e-aarazuu
kitane lage.nge daam zaraa aa.Nkh to milaa

hai.n raah-e-kahakashaa.N me.n azal se kha.De hu_e
'saaGar' tere Gulaam zaraa aa.Nkh to milaa