chaman me.n ra.ng-e-bahaar utaraa
to mai.nne dekhaa, to mai.nne dekhaa
nazar se dil kaa Gubaar utaraa
to mai.nne dekhaa, to mai.nne dekhaa

mai.n niim-shab aasamaa.N kii wus_at ko dekhataa thaa
zamii.n pe wo husn-e-zaar utaraa
to mai.nne dekhaa, to mai.nne dekhaa

%shers not part of this gazal
ba.De wusuuK se duniyaa fareb detii hai
ba.De Kuluus se ham etabaar karate hai.n

galii ke baahar tamaam ma.nzar badal gaye the
jo saayaa-e-kuu-e-yaar utaraa
to mai.nne dekhaa, to mai.nne dekhaa

khumaar-e-may me.n wo cheharaa kuchh aur lag rahaa thaa
dam-e-sahar jab khumaar utaraa
to mai.nne dekhaa, to mai.nne dekhaa

ik aur dariyaa kaa saamanaa thaa 'muniir' mujhako
mai.n ek dariyaa ke paar utaraa
to mai.nne dekhaa, to mai.nne dekhaa