prelude
apanii aawaaz kii larzish pe to qaabuu paa lo
pyaar ke bol to ho.nTho.n se nikal jaate hai.n
apane tewar to sambhaalo ke ko_ii ye na kahe
dil badalate hai.n to chehare bhii badal jaate hai.n

chupake chupake raat din aa.Nsuu bahaanaa yaad hai

% not part of this ghazal
ab mai.n samajhaa tere ruKasaar pe til kaa matalab
daulat-e-husn pe darabaan biThaa rakhaa hai
gar siyaah-baKt hii honaa thaa nasiibo.n me.n mere
zulf hotaa tere ruKasaar pe yaa til hotaa

chupake chupake raat din aa.Nsuu bahaanaa yaad hai
hamako ab tak aashiqii kaa wo zamaanaa yaad hai

tujhase milate hii wo kuchh bebaak ho jaanaa meraa
aur teraa daa.Nto.n me.n wo u.Ngalii dabaanaa yaad hai

chorii chorii hamase tum aa kar mile the jis jagah
muddate.n guzarii.n par ab tak wo Thikaanaa yaad hai

dopahar kii dhuup me.n mere bulaane ke liye
wo teraa koThe pe na.nge paa.Nv aanaa yaad hai

khai.nch lenaa wo meraa parde kaa konaa daf_atan
aur dupaTTe se teraa wo mu.Nh chhupaanaa yaad hai

tujhako jab tanhaa kabhii paanaa to az-raah-e-lihaaz
haal-e-dil baato.n hii baato.n me.n jataanaa yaad hai

aa gayaa gar wasl kii shab bhii kahii.n zikr-e-firaaq
wo teraa ro ro ke bhii mujhako rulaanaa yaad hai

 The following were not in the versions I heard
waa.N hazaaraa.N iztiraab, yaa.N sad-hazaaraa.N ishtiyaak
tujhako wo pahale-pahal dil kaa lagaanaa yaad hai

jaan kar honaa tujhe wo kasad-e-paa-bosii meraa
aur teraa Thukaraa ke sar wo muskuraanaa yaad hai

jab sivaa mere tumhaaraa ko_ii diiwaanaa na thaa
sach kaho kuchh tumako ab bhii wo zamaanaa yaad hai

Gair kii nazaro.n se bach kar sabakii marzii ke Kilaaf
wo teraa chorii chhipe raato.n ko aanaa yaad hai

dekhanaa mujhako jo baragashtaa sau naaz se
jab manaa lenaa to phir khud ruuTh jaanaa yaad hai

shauq me.n meha.ndii ke wo be-dast-o-paa honaa teraa
aur meraa wo chhe.Danaa wo gudagudaanaa yaad hai